Difference between men and women Remix

Segala puji untuk yang layak di puji, yang bagi chan tani benapas sampai hari anie.

Makin ramai sudah post-post pasal jantan sama betina… pasal janggut sama lipstik anie. pesyen memajal tia jua tu, inda apa, tekaduhung sudah anie, ijin kan abis kaula menyumbat sekupas-dua jua, manatau kalok lurus, macam guru benanang niniku berucap “alang-alang basah kuku biar sampai lacah tubuh” nah sekaping lagi tapi campur sadikit garam sama manisan, apakah rasanya tu.

1. Bila bini-bini be-kaka sama bini-bini yang tua dari ia, atu tanda hormat, rapat, sama inda ‘labeh ajar’. Bila laki-laki be-abang sama laki-laki yang tua dari ia, gerenti sama ada ia main-main, atau… ia main-main, atau… ia main-main. Kalau sarias, antara atu abang nya banar, kalau inda, baiktah lucik-lucik batis nya atu, suruh menyepak bula, kalau di tampar nya tah pulang bula, baik tah rekrut untuk netball.

2. Untuk ilmu bini-bini, kadai bula al-ikhsan yang betumpuk-tumpuk di tanah anie, yatah BB, yatah One Utama, yatah Klcc laki-laki sudah tu, 3 dalam 1. Untuk ilmu laki-laki, kalau alum besapu lantai-lantai mall-mall di Malaysia anie, alum tah tanang pikiran bini-bini tu. Untuk yang kan kawin dalam masa dua masa anie, baiktah belusir 10 raun padang UIA atu, kalau inda tekarih, baiktah pikir 11 kali lagi kan kawin.

3. Laki-laki sama bini-bini inda akan masuk satu masa pun, bila cakap pasal bula, sampai bila-bila, sampai lapas mati, lapas hari kiamat, lapas atu lagi (adang tah kaliah). Tapi kalau tah perahu tesasul, macanie lah keadaan nya:
Laki2 : lawa gol Ronaldo di malam atu, cantik header nya atu eh, payah gol catu atu.
Bini2 nyampuk: hensem kali ah ronaldo ah, yatah laki2 impian ku tu.
Laki2 : -inda melayan-
Laki2 : sapa jua memasing tu, rooney jua, kalau nada ia, nada cRonaldo atu gol.
Bini2 nyampuk: rooney inda ku suka eh, inda hensem, inda kiut macam ronaldo.

4. Jangan kacau laki-laki bila datang bula, jangan kacau bini-bini bila datang bulan.

5. Kaedah cerita laki-laki: apa, bila, di mana, kenapa, macamana.
Kaedah cerita bini-bini: nada kaedah, semua masuk, kalau cerita pasal periksa, mun ada samut melintas atas meja atu, eyhh! Masuk tia jua tu.

6. Kawan derang terabah.
Reaksi bini-bini: aiii~ kesian jua, cua tulung deh, bangkak jua nie, baiktah antat ke hospitarr.
Reaksi laki-laki: hahahahahahahahaahahahahah……… baru ko tau, kambang ko lagi.

7. Meliat cerita hantu, mengajut hantu timbul.
Reaksi bini-bini: blooaaaaaaaaaaaaaa….. waaaa….. hooooga boooooga….. (bini2 urang hutan bah)
Reaksi laki-laki: koff…. Koff… padahal lacah sudah seluar atu.

8. Bila bini-bini minta lanja Ia akan cakap: lapar ku eh
Bila laki-laki kan makan ia akan cakap: blanja ku eh

9. 5 minit saja masa untuk laki-laki besiap-siap, bebaju, besedia. Bini-bini, 15 minit atu baru setampik mata tu.

10. Laki-laki liat luar saja/dulu baru tah liat dalam, tapi bagi bini-bini hati paling penting. “hati penting kaliaa~ … sipuntah lubang idung nya 3” rista satu jelama. Pasal atu kali ramai bini-bini lawa benampakan sama laki-laki yang inda seberapa (bukan plang inda seberapa tu).

Macam ustass niniku selalu bepadah “tani semua serupa di mata yang Maha Melihat”