Dalam kapal terabang. Ada beberapa tata tertib yang tani perlu patuh… atau perkataan yang urang brunei paling suka dalam hal ani… protokol.
Paparan berikut adalah ianya:
1. bila urang imigresen minta passpot.. cakap “nahhh! Tinggal wah passpot ku di rumah!”
PERINGATAN: perbuatan ini inda jadi cali apabila paspot anda banar-banar tinggal.
2. masa kan masuk kapal, steward/dess akan menunggu di pintu dan bila ia cakap welcome. Anda balas “ehh kauuu. Apa bar peranakan?”
3. sama kalau ia tanya dimana tempat duduk, cakap “1B, sebalah pilot kah tu?”
4. udah masuk kapal gerenti nunggu urang masukkan beg sebelum sampai ke tampat duduk. Pusing pastu buat ketawa sinis sekali bisik arah urang di belakang anda “baik jua nda kedapatan bom ah.”
5. bila anda sudah duduk, bagi salam arah urang sebalah pastu cakap “aku turun dang wangi, ko mana?
6. sebelum doa di kapal kena bacakan, cari urang tua pastu cakap “bah kita tah membaca”
7. bila steward/dess bediri di dapan untuk buat demonstrasi kesalamatan, lusir arah nya sekali cakap “aku lagi eh.. ko balik-balik sudah ah.”
8. Lintukkan kepala arah bahu urang sebalah, dan mulakan sesi bekuruh.
9. katuk pintu jamban pastu terais “laju eh!! inda ku tahan lagi ni”
10. bila steward/dess minta oder, cakap “Yang biasa ah.. Murtabak talur bah.. macam nda tau saja”
11. Gamit urang dapan… bila ia nuleh.. tunjuk urang sebalah.
12. belusir arah urang 1st class, pastu ampas bahu urang yang duduk sana kali cakap “CARAH!”
14. mun ada urang becrita berhampiran anda, tiap kali urang atu abis cakap, menyampuk dan cakap “awu mun campur cili sama kicap nyaman tu.”
15. sekiranya steward/dess sibuk, aga arah loudspeaker pastu nyanyi kalau rasa gembira tepuk tangan.
16. lapas kapal terabang begagar cakap “atu tinggi bandul ah”
17. kibar baju.. sekali cakap arah urang sebalah “turuni eh tabuk ah”
18. pada kebiasaan, RBA akan menayangkan dokumentari arah screen basar. Ketawa basar-basar sekali sudah steward/dess melintas, cakap “siap sudah popcorn?”
19. Masa kan mendarat, bediri pastu nyanyi lagu kebangsaan
20. lapas kapal terabang landing, gerenti nunggu kena buka pintu kapal, tuleh urang sebalah pastu cakap “mau ko buka pintu belakang?”
P/S:
LailatuL QadaR will be coming to theaters near you (hopefully we didnt miss it)
grab a ticket now... it will be sold out real quick.
stay true... keep striving
from the BSU CREW.... all the best for the exams ya'll.
that wud be weird if ada urg bnr2 caya there's an actual movie.
ReplyDelete